إذا كانت الأحزاب قد تجمعت علينا من كل حدب وصوب فهذا الذي قال عنا ضيوفا وآخر أراد حرق القرآن وثالث انهال بالسباب على أمنا عائشه وآخرون يوزعون منشورات تنصيريه على المحجبات في مصر المسلمه وآخرون يساعدون انتشار واحدة من اكبر الشركات التنصيريه في العالم في بلدنا الآمن
ثم بعد ذلك حرس الجامعات المصريه المفترض أنهم مسلمون يتحرش بالطالبات ويريد تفتيشهن ذاتيا وحين يرفضن يعتدى عليهن
بالضرب حتى تصاب احداهن بنزيف داخلي وحين تأتي سيارة الإسعاف يرفضوا حتى لا يفتضح أمرهم بعمل محضر شرطه
فبالله عليكم متى نصر الله ؟؟؟؟
45 comments:
الكلام ده صعب اوى اوى
انا مش متخيلة انها توصل لكده
)ألا إن نصــــر الله قريـــب
ولسه ... أنا متوقع ان الفتره اللي جايه هتكون فتره عصيبه على أي حد معارض للحكومه
عمليات التصفيه بدأت من فتره وآخره اغلاق القنوات الإسلاميه الناس والجليجيه والحافظ وغيرها
ربنا يستر في الفتره اللي جايه دي
!هو فى اكتر من كده!
ربنا يستر
أعتقد ان المرحله اللي جايه مرحلة الإعتقالات لأي قوى معارضه سواء كانت اسلاميه أو غير اسلاميه
بس خير ... الفتره اللي جايه هيا فترة تمحيص للمسلمين هتبان الناس على حقيقتها والمناظر اللي بدأت تزيد
اتفضلي الحرس الجامعي الهمام منع بفضل الله الطالبات من الدخول ... ربنا يبارك فيهم ويحرسهم من العين رجاله رجاله يعني
http://www.youtube.com/watch?v=_hdgH1OrKFE
لا أملك الا ان اقول
حسبنا الله ونعم الوكيل
انا اول مرة أخد بالى انها اخوان
اه
عشان كده بأى انا برده استغربت
انا كنت مفكرة المشكلة فى الحجاب طلع السياسة وكتر الكلام فيها مش الدين يعنى
معلش تأثير الجراحة بأى
بس ده مش يديهم حق برده انهم يشتموهاو يضربوها
اذا بعد مافهمت
___________
المرحلة القادمة انتخابات والاخوان هيقبضوا عليهم كالعادة
اللى اعرفه ان الشرطة مش بتقبض الا اللى مزودها وبيتكلم فى ساس ويسوس اما اللى فى الدين وفى حاله عينيهم عليه بس
طبعا انا مش موافقة السياسة والحكم بغير شرع الله بس مش موافقةاتخاذ الدين سلمة للوصول للحكم وفعلا فى ناس وصلت وعملوا ايه ؟؟؟؟عملوا مصايب وبلاش اقول
طب وإيه والمشكلة في طلب الوصول للحكم؟
ما هو التدين الصحيح طريق للتمكين .. وكذلك التمكين وسيلة لإقامة الدين
{وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا يَعْبُدُونَنِي لَا يُشْرِكُونَ بِي شَيْئًا وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ} (55) سورة النــور
{الَّذِينَ إِن مَّكَّنَّاهُمْ فِي الْأَرْضِ أَقَامُوا الصَّلَاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنكَرِ وَلِلَّهِ عَاقِبَةُ الْأُمُورِ} (41) سورة الحـج
ونفس الكلام على السياسة
إحنا مش عاوزين ننساق ورا كلام العالمانيين
الدين لله والوطن للجميع .. دع ما لله لله وما لقيصر لقيصر
السياسة جزء من الإسلام .. وهو إيه أصلاً تعريف السياسة الشرعية -وهي دي اللي تخصنا مش السياسية العالمانية-؟؟
السياسة هي إقامة الدين وإصلاح الدنيا بالدين
مرة سمعت الكلمة دي من واحد ملتحي وتقريباً كان في الجمعية الشرعية: إحنا ملناش دعوة بالسياسة ومفيش خوف من اللحية!!
طب ما هو أكيد مفيش خوف من اللحية العالمانية دي .. لحية بس بتفصل الدين عن الدولة .. ويا فرحتي
أصدي يا حزني
أما: متى نصر الله؟
الصراحة الوضع غير مبشر .. بكلمك بصراحة .. الطريق غير واضح .. الجماعات تتكاثر وتنقسم على كل مسألة فرعية!! .. الشباب حتى الملتزم معندوش طموح ولا همة ولا هدف عالي .. المعاصي ظاهرة والمجتمع يغلي .. يشاهد الراقصات في التليفزيون ولا يجدهم في الشارع .. فيتحرش بالبنات .. يرى العري عالنت .. ولا يجد الزواج على أرض الواقع
د. محمد حبيب بيقول الإخوان هيمسكوا الحكم بعد 10 سنين!
مش فاهم هيخشوا الحزب الوطني .. ولا دي أحلام؟
كنت واثقة انى هتفهم غلط
انا ما قلتش نفصل السياسة عن الدين لا طبعا
مافيش حاجة اسمها دولة مسلمة مش تحكم بشرع الله
انا قلت ما نخدش الدين سلمة للحكم اصدى
ان مش عشان الكورسى والمنصب اظهر التدين ولا اتخفى ورا الدين ولما اوصل الاغراض الشخصية تشتغل بأى
يعنى اللى عايز حكم بشرع الله لله لما يوصل يورينا مصداقية كلامه مش يوصل واسمع مهازل
_________________
ملحوظة
انا مش مع الحكم حاليا ولا بقول نسكت على الظلم بس
ما ينفعش اسيب تعاليم دينى واقعد اجرى ورا كورسى ومنصب وده للاسف اللى موجود على الساحة الان الا قليل القليل
بصراحة
انا مش مع ان الاخوان يمسكوا الحكم هما فعلا احسن من غيرهم نسبيا ولكن للاسف لما دخلوا المجلس كل واحد اشتغل لحساب نفسه
انا عايزة اللى يمسك الحكم حد ملتزم التزام بجد يحكم بشرع الله والا الكل هيكون سواء اخوان علمان حزب وطنى
لا مش احلام ممكن يمسكوا الحكم بس ربنا يستر بأى
لان اول حاجة هيعملوها انهم يحاربوا الدعوة السلفية
ده من غير حكم بحس اننا اعدائهم
وكفاية قاعدة
نتفق على ما اتفقنا عليه ويعذر بعضنا بعض
هما مش مع الولاء والبراء وعندهم اخطاء كتير زى
الموسيقى والاحتفال بالمولد وحبة بدع حلوين
لما ندعى بأى ونقول غلط هيسكتوا لا طبعا
من غير حكم مش ساكتين لما يوصلوا بأى الوضع هيكون ايه
اه عندهم حاجات صح بس فى حاجات غلط
يبأى لما نوصل لحكم وولاية وبنأسس دوله اسلامية صح
يبأى
الحكم
بمنهج اهل السنة والجماعة على نهج الرسول صلى الله عليه وسلم والصحابة هما الصح وبس
طب حضرتك بتقولي إنهم بيظهروا التدين عشان الوصول للحكم
طب فين إحسان الظن بالمسلم؟؟
عن عمر بن الخطاب (رضي الله عنه) قال: ((ولا تظن بكلمة خرجت من أخيك المؤمن إلا خيراً وأنت تجد لها في الخير محملاً)).
وقال (صلى الله عليه وسلم): ((لا تحاسدوا ولا تناجشوا ولا تباغضوا ولا تدابروا ولا يبع بعضكم على بيع بعض، وكونوا عباد الله اخوانا، المسلم أخو المسلم لا يظلمه ولا يخذله ولا يكذبه ولا يحقره، التقوى هاهنا -ويشير إلى صدره الشريف ثلاث مرات- بحسب امرئ من الشر أن يحقر أخاه المسلم، كل المسلم على المسلم حرام دمه وماله وعرضه)).
بحسب امرئ من الشر أن يحقر أخاه المسلم
بحسب امرئ من الشر أن يتهم من يقول بالإسلام بأنه مرائي يسعى للحكم فإذا أخذه انقلب على عقبيه
نقد الأمور الخاطئة لا يعني هدم الجماعة ولها من الخير الكثير
والنصيحة واجبة لكل مسلم إخوان أو غيره
وخلافهم مع الدعوة السلفية لا يجعلنا نقول بالعداء
ومن عادى من أي طرف فهو المخطئ .. ومن يفهم كتاب (فقه الخلاف) يعلم جيداً كيف يجب أن تكون العلاقة بين الجماعات الإسلامية
السلفيون يعلمون الناس ويبدأون بالعقيدة والفقه .. ثم هم من الجماعات السريعة الانتشار وهذا ما دفع الأنظمة اللي تهجينها وإدخال ما ليس منها إليها .. ومحاولة زرع الشقاق بين طوائفها
الإخوان يسدون عن المسلمين في أبواب لم يدخلها السلفيون أصلاً .. ومنها مجلس الشعب .. فلنتخيل الأمر بدون معارضة إسلامية قوية .. ربما كان الوضع أسوأ بكثير من الآن
أكرر أن الكل مسلمون بينهم التناصح ولهم كل الحقوق الواجبة من المسلم لأخوه المسلم .. وكل يسد ثغرة من الثغور التي ظهرت في جدار الأمة الإسلامية بعد سقوط الخلافة الإسلامية
أسأل الله أن يعيدها خلافة راشدة على منهاج النبوة
يادكتور انا مش ظنيت بحد سوء وقلت كده لما شفت افعالهم
يعنى واحد فيهم ياكل مال يتامى وواحد يسرق ويتقبض عليه متلبس و انا اسفة مضطرية اقولها بأى تالت يزنى
وكلهم بشهود انا مفروض اظن ايه دى فضايح بلاش اتكلم
____________
شوف لما مسكوا الحكم
يعنى لما يكون عنوان جريدة واحد من اخوان فى مجلس الشعب بيسفر زوجته على نفقة الدوله عشان تعمل عملية تجميل وواخد ملايين
بلاش دى هنقول كلام جرايد
اللى فى الدايرة بتاعتنا
د/ احمد ابو بركه
عمل ايه ولا حاجة بل بالعكس جات على اهل بيته
طلق مراته ظلما وتجوز عليها سلطة بأى شئ غريب والله
غير الفضايح الكتير الستر اولى
وبغض النظر على كل ده
حتى لو ملتزمين بالاعتقاد بتاعهم ده
التزامهم مش الالتزام اللى يقيم دولة اسلامية صح على نهج السنة والجماعة
تنويه
انا مش بقول انهم كلهم مش كويسين فيهم كويسين
بس للاسف انا كل اللى عايشين حواليا مش كويسين خالص وكل يوم فضيحة شكل لحد ما الناس كرهت الالتزام بسببهم
وكل يوم اسمع شوفوا اهو المتدينين اهم هو ده الدين
____________________________
بالنسبة ان مافيش عداء انا كنت بقول كده لحد نص السنة وكنت بعاملهم احسن معاملة ومازلت والله
للاسف بأى انى لما وجهت نصح لحد فيهم اصبحت عدو واستغربت جدا
المشكلة مش فيا المشكلة فيهم
يمكن الإخوان بيختلفوا من مكان لمكان
لكن الحكم يكون عالمنهج من كتبهم ومراجعهم الأول
الحكم على الجماعات ميكونش من الأفراد وأخطاؤهم
وحضرتك المفروض متاخديش أخطاء من كلام الناس .. اللي انت شفتيه بعينك أو شهدلك عليه حد ثقة بس
وأنا مأنكرتش إن عندهم أخطاء .. لكن معندهمش حسنات؟؟
حتة الاخوان يسدوا
معلش انا لا اوافقها لان فى مسائل خلاف غير سائغ هما شايفين انهم صح وغيرهم غلط
يعنى هما مش مكمل للسلف هما لهم منهج مخنلف
افتكرت الشيخ محمد فوزى وهو بيحكى عن مشكلة حضرها بين زوجين الاخ سلفى والاخت اخوان
للاسف كل ما زوجها يقولها ده غلط وتقتنع شيوخها يقنعوها بالعكس ويحصل خناقة لان المنهج مش واحد
تخيل بأى الاولاد لما باباهم يقولهم الموسيقى حرام وماماتهم تقول حلال يمشوا مع مين ؟
حضرتك ممكن تسأل الشيخ محمد فوزى ممكن يوصل اللى مش عارفه اوصله
____________________
لازم
اللى يمسك الحكم لازم يكون منهجه كله صح
عشان ده الاساس اللى بتقوم عليه الدولة المسلمة
ايه فايدة المنهج لو مش ماشين عليه؟
انا مش بنكران فى حسنات بدليل ان قلت فى حاجات صح وحاجات غلط
ومش بنكر ان فى ناس ماشية بالمنهج بس قليل القليل
ونرجع نقول ان المنهج فيه اخطاء ومش ينفع يكون حجر اساس لدولة اسلامية
الحوار اشتد ليه كدا
الخلاصه ان جماعة الإخوان فيهم الخير لكن حولهم كثير من الدخن
أما كونهم بيحاولوا يوصلوا للكرسي ممتطين الدين
فهذا ما كنت أظنه الا أني علمت انهم يحاولون الوصول لأقامة الخلافه مما اتضح من كتبهم وفكرهم
رغم تحفظي الشديد على من يداهن ويتنازل عن ثوابت الشريعه كالولاء والبراء وغيرها من أجل ارجاع شئ لم يجعل الا لحماية الشريعه
أما سوءات الإشخاص المنتسبين للجماعة فهذا أمر وقعت فيه كل الجماعات بل المنظومات حتى غير الدينيه
ونحن كمثال أطباء نتهم دائما بالجهل واننا بنسى أدوات جراحيه في بطون المرضى رغم ان هذا حادث فردي من بعض الأطباءالا انه يعمم علينا بالتبعيه
هو يمكن داء أي داعيه أو عضو في جماعة هوا لما يتم استقطابه عن طريق الدنيا
مثال من الإخوان : لما فتح عليهم النفوذ والسلطه تخطفوا الدنيا فأهلكتهم
ولا أعلم اسماء من هؤلاء
وكذلك من مشايخ الدعوه السلفيه منهم من اذا ظهم على الفضائيات من يغير جزءا من فكره ومنهجه
اذا مرضت الجماعه هذا لا يعني موتها بل هذا ادعى الى علاجها
ممكن طلب
ممكت تقابلوا الشيخ محمد فوزى وتنناقشوا معاه فى
الموضوع مسجد السلف مش بعيد ولا معهدالفرقان
يظهر انى كلامى مش واصل
عشان تعرفوا الخطأ فى منهج الاخوان
الشيخ محمد حسين يعقوب
http://www.youtube.com/watch?v=q_0PAQGYFqc&feature=related
ربنا يبارك فى الوقت ونشوف الفرق بين منهج الاخوان والسلف لان واضح ان فى خلط فى الامور
ممكن حضرتك توضحي نقاط الخلاف عشان نفهم
1-
2-
3-
4-
نقط الخلاف هنا على فرسان السنة
http://www.forsanelhaq.com/showthread.php?t=104381
1- عصبية وحزبية ذميمة دخلت بهم في الإطار المنهي عنه شرعا
2- إهمال لجانب العقيدة فليس لهم منهج واضح ثابت في العقيدة
3- عدم الاهتمام بنشر التوحيد ومحاربة البدع والشركيات
4- التساهل في أمور تصل إلى حد الشرك الأكبر بل ومشاركتهم فيها
5- التقارب والثناء على أهل البدع من شيعة وصوفية
6- محاولة أرضاء كافة الاتجاهات ولو على حساب العقيدة
7- العمل على إثارة الناس والعوام على الحكام
8- الدعوة إلى إقامة الخلافة أصبحت غاية عندهم
9- بيعتهم التي لا أصل لها
10- الطاعة العمياء
11- جعل الأصول العشرين قاعدة لابد للمسلمين من الالتزام بها
12- التساهل في أمور كثيرة بحجة مصلحة الدعوة
13- تنفيرهم من علماء أهل السنة وإلصاق التهم بهم
14- ادعائهم أنهم يريدون تحكيم الشريعة مع أنهم يقبلون بالديمقراطية والدخول في الانتخابات وما فيه من تحاكم الى غير شرع الله بل لما مكنوا لما نرى منهم دعوة إلى تحكيم شريعة
___________________
تفصيل كل نقطة هناك فى فرسان السنة
خبـــــــــــر عاجـــــــل
http://www.youtube.com/watch?v=AGy2XbmxfNM&feature=related
____________________
مافيش بعد كده بأى نموذج حى لو تمكنوا على رأى الشيخ
السلام عليكم ورحمة الله
أنا حزينة جدا
تخيلوا دى مناقشة بين أشخاص منتسبين لنفس المنهج
لو حوار بين اخوانى وسلفى ممكن يكون ازاى
وان كان الطرفين مش بيقولوا أنهم اعداء لكن
بردو مش حبايب
وكل ده بيأخر الدعوة
الأخوان بخبرتهم الطويلة فى مجال السياسة والنشاط الاجتماعى
قدروا يوصلوا لناس كتير
ودا شئ ممتاز
أه عندهم بعض الأخطاء
وده عند كل الفرق
ودا خطأ أتباع المنهج غالبا
موضوع الموسيقى ذل فيه الكثير ومنهم الشيخ عادل الكلبانى
لكنه عدل عن رأيه بعد نصح العلماء
موضوع الولاء والبراء
كتير من طلبة العلم نفسهم ميعرفهوش
واعتقد أن ممكن يكون عندهم فهم خاطئ للنصوص
أو حسن نية
أو شبهة مثلا
على الجانب الآخر السلفيين
تلاقيهم فى المساجد ودروس العلم
ودا أساسى
لكن هما فين على أرض الواقع
تلاقيهم واخدين جنب ومع بعض
فى الغالب
إلا جهود فردية
مثال تلاقى الاخوان فى رمضان نشاط اللهم بارك
والاحسان بيوصل للناس قبل كلمة حلال وحرام
الخلاصة: الدعوة محتاجة جهود الاتنين
وفيه مئات النقط اللى نتفق عليها
إذا كان فعلا كلهم يدعوا خدمة الدين
يبقى لازم يكون فيه تعاون ومناصحة
ومناقشة هادفة فى نقط الخلاف
على مستوى القواد
وعلى مستوانا إذا كنا بنعتبر نفسنا شباب الدعوة
وإلا كلنا هنبقى عائق فى طريق الدعوة
وهتفضل محلك سر
اتمنى مكنش أزعجتكم
غفران
التعليق ده زعلانى على فكرة
اولا احنا بنتناقش فى هدوء انتم حاسين غير كده
واخنلاف الرأى لا يفسد للود قضية
اما الكلام اللى فوق عن الاخوان على اساس ايه ؟
اسألى ايمان طعيمة على اللى حصل لما نصحتهم ان الموسيقى حرام
وهنروح بعيد ليه انتى مش كنتى معايا وشفتى رد فعلهم
لما نصحت...انها مش تسمع موسيقى اظن انك شفتى رد الفعل
الولاء والبراء معظمهم بل كلهم عرفينه عشان عقيدتهم ضده
افتكرى بأى لما كنا بنعمل حفلة فى المسجد بيحصل ايه
محسسانى انك مكنتيش معانا
___________
حتت فين السلف على ارض الواقع ازاى ؟
انتى اللى كاتبة الرد ولا حد تانى
هقولك فين
فى مسجد الطوارئ وفى مسجد الكلية
ومسجد السلف والمنتديات
رد بدع ونصح للناس
ومطويات ووصلت كمان انك انتى قبلى بتقفى تدعى الراوند مسابقات وخطب
هو ايه اللى فين
عارفة لو هما مش موجودين كنتى انتى وانا لسه فى الضلال المبين بنسمع على الجفرى وغيره
اشهد ان لهم فضل كبير عليا واولهم سيدة ومريهان
اظن احنا اقوى دليل لهم انهم بيدعوا على ارض الواقع وغيرنا كتير اللى التزموا واللى ربنا رزقهم النقاب
ولا ايه؟
طيب ليكى عندى إنى أصالحك
ومش هنتناقش هنا يارفيقة الدرب
اعتقد إحنا تقلنا على صاحب المدونة
ملحوظة :السلف والإخوان مش منحصرين فى زمايلنا والناس المحيطين بينا
وإلا تبقى الدايرة ضيقة أوى
وهو كذلك
مع انى شايفة ان الموضوع مهم جدا
بس ياريت بجد تسألوا الشيخ محمد فوزى فى الموضوع
ولو حد سأله يفيدنا وجزاه الله خيرا
___________
معذرة د/ ابو فارس معلش قلبنا المدونة ساحة حوار
أحباب الدين من حين لآخر يتساءلون
لطالما استضعفنا في الأرض سنونا و سنون
فمتى ينصر رب العزة المسلمون؟
أجيبهم: حتى نكون بربنا حقا مؤمنون
ألم تقرأ قوله(وَكَانَ حَقًّا عَلَيْنَا نَصْرُ الْمُؤْمِنِينَ)؟
الموضوع مش مشادة ولا حاجة
دي مناقشة لا أكثر ولا أقل
وأنا بتعلم وبستفيد
خلاصة كلامي إني بشوف ناس بتردد عيوب عند الإخوان من غير ما تشوفها .. وبيبقوا عاوزين يهدوا الجماعة
والمفروض إن الجماعات الإسلامية تبحث عن نقاط الاتفاق طالما إنهم مش مختلفين في أساسيات الدين
محناش سنة وشيعة ولا صوفية ولا ملهبية
لأ .. الاتنين نحسبهم من أهل السنة
والاتنين قاموا لسد فروض الكفاية بعد سقوط الخليفة ومعدش في قائم بأمر المسلمين حقيقة
يعني أنا ليا تجربة شخصية مع الإخوان لإني كنت في مدرستهم -الجيل المسلم- طول عمري .. يعني حوالي الـ 11 سنة بتوع المدرسة
وبعد كده في الكلية قعدت معاهم كذا سنة برده
فأنا شفت أخطاء .. ولقيت إن منهج السلف أقوم بكتير
ولكن أنا شايف عندهم مميزات وشايف بعض القصور عند الدعوة السلفية اللي أتمنى أن يجبر
توضيح
ده اخر تعليق ليا فى الموضوع ده
حبيت اوضح نقطة انى مش بكره الاخوان بالعكس انا ليا اصحاب كتير اخوان ولهم حقوق اى مسلم ومش بنكر ان عندهم حاجات كويسة
ومش معنى انى بدافع عن المنهج السلفى انى بدعى للتحزب بالعكس انا ضد التحزب اى حد عنده حاجة كويسة انا معاه فيها
بس لما نتكلم عن تأسيس دولة اسلامية تحكم بشرع الله يبأى المنهج كله صح ومنهج الاخوان بالاخطاء اللى فيه واهمها عدم اعترافهم بالولاء والبراء لا يصلح
واعتقدان(خبر عاجل) للشيخ محمد اسماعيل المقدم اكد كلامى
انا حبيت اوضح النقط دى عشان كلامى مش يتفهم غلط واسمع كلام انا ماقلتوش
د: غفران ... الموضوع كان مجرد مناقشه بين أخوه وأخوات
الإختلاف موجود وحقيقة لكن الزعل بسببه مشفتوش وكلنا مستفيد من النقاش
د: رحيل .... الرد الإخير بتاع حضرتك وضح عقيدتك في الإخوان
هيا مكنتش واضحه في الأول بس دلوقتي واضحه
كنت فاكر انك شايفه عيوب الإخوان بس
لكن وضحتي في الرد الأخير
جزاكم الله خيرا وشكر الله حرصك على اخوانك
وانا مش مضايق أبدا من النقاش
حوده على طول منور يا واد متحرمنيش منك أبدا
بالنسبة للفيديوهين بتوع اليوتيوب
(1) الخبر العاجل
جماعة الإخوان ردوا عالخبر ده ونفوه
http://www.ikhwanonline.com/Article.asp?ArtID=42397&SecID=211
(2) الشيخ محمد حسين يعقوب
الشيخ في الفيديو نقد طريقة عرض المادة أو اسم الكتاب أو جزء من المنهج
وحد ممكن يقول إن التقسيم أو الأصول دي مجرد استقراء
زي تقسيم التوحيد لألوهية وربوبية وأسماء وصفات
يعني مسألة اجتهادية والمهم المضمون .. يعني: لا مشاحة في الاصطلاح
والشيخين على رأسي من فوق
معلش انا مضطرية اتكلم تانى يمكن انا فاهمة غلط
طب د/ محمود
بالنسبة للولاء والبراء اللى مش معترفين بيه؟
واظن انها من اهم قضايا العقيدة اللى مش ينفع حد يخالفها
ده اعتقادهم فى الولاء والبراء من فرسان السنة
http://www.forsanelhaq.com/showthread.php?t=8428
( أنا ليا تجربة شخصية مع الإخوان )
(ولكن أنا شايف عندهم مميزات وشايف بعض القصور عند الدعوة السلفية اللي أتمنى أن يجبر)
إيه نقاط القصور؟و إيه اقتراحاتك/اقتراحاتكم لجبر ما ستذكر من نقاط القصور؟
و هل وجدت مميزات عند جماعة الإخوان و لم تجدها في الدعوة السلفية؟ إيه هي؟
بالنسبة للأخ بلوجر
أنا الصراحة ومن غير زعل مبعرفش أبداً أتكلم مع مجهول
وانت بتتكلم في حاجات مش سهلة .. نقد في جماعات إسلامية
يعني حاجات أكبر مني بكتير
والكلام في الحاجات دي يكون مع اللي يمكن يغير وينفذ فعلاً
المسئولين يعني في الجماعات دي
وأنا مش بصدد الحوار مع حد دلوقتي في حاجات من دي على أرض الواقع بسبب الامتحانات يمكن بعدها نواصل العمل إن شاء الله
د. رحيل هل أنا رديت على النقطتين بتوع الفيديو؟؟
لو كده ممكن أتكلم باللي أعرفه في نقطة تانية
معذرة عن الانقطاع الجهاز اصابه فيرس فدمره عما صلحته
المهم
د/ محمود
ممكن حضرتك تتكلم فى اى نقطة ويستحسن كل النقط يعنى
انا حابة اسمع كل حاجة
خلينا نقول اعادة تقيم للاخوان
حضرتك قلت اننا نقيمهم من منهجهم
وانا موافقة عشان نعرف هو منهج رشيد يصلح ام لا
احب تكون اول نقطة حضرتك تبدأ بيها عقيدتهم فى الولاء والبراء
________________________
تنويه
لو حضرتك مش فاضى ممكن نأجل المناقشة بعد الامتحانات ان شاء الله
وانا كمان حابة اعرف ايه عيوب السلف عشان مش اقع فيها او لو فيا اغيرها دى العيوب اللى اعتقد انها فى الاشخاص
مش فى المنهج لان المنهج خالى من العيوب لانه منهج ربانى قائم على الدليل من القرآن والسنة
بالنسبة لعقيدة الولاء والبراء فأنا هتكلم عن اللي شفته .. أما الكلام الموجود على منتدى فرسان السنة فهو على مسئولية صاحبه
وأنا هتكلم كمقارنة بين بعض المواقف .. أقول اللي بيحصل فعلاً والكلام المبالغ فيه
في المدرسة -الجيل المسلم- كانوا بيعلمونا إن عداوة اليهود دينية بحتة ودايماً بيكلمونا عن معركة آخر الزمان وشجر الغرقد ونطق الحجر و و و
لكن النصارى كان الكلام عليهم قليل جداً ومازال حتى الآن
معروف إن في شيوخ من الإخوان على قناة الناس زي الشيخ حازم صلاح أبو إسماعيل وأظن كمان الشيخ صفوت حجازي
في حرب غزة القناة طلعت بيان استنكاري مضى عليه حوالي 30-40 شيخ .. دعاة وعلماء وذكروا فيه إن الجهاد ماضي حتى استرداد الأرض
ودي النقطة اللي نقدها الشيخ الحويني ربنا يحفظه وقال إنه ماضي ليوم القيامة
أنا عجبني هنا موقف الشيخ الحويني ودقة كلامه اللي ميحتملش معنيين في مقابل كلام تاني ممكن يكون مايع شوية
في الأعياد الإخوان بيعلقوا يفط عند الكنايس تهنئة للنصارى .. وأنا شفت بعيني اليافطة اللي كان عاملها الشيخ سيد عسكر في طنطا أدام كنيسة في شارع السلطان مراد مشهورة .. قرب حسن رضوان كده
الأمر ده أنا أعرف إنه خطأ .. لإن الأعياد من الدين وده فيه موافقة لأخطاء في عقيدتهم .. وخصوصاً إن اليافطة كانت في عيد القيامة المجيد
ولكن الإخوان بيتعللوا دايماً بالآية: ((لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم ...))
السلف يقولولهم البر والقسط ملوش علاقة بالتهنئة والأعياد والموالاة .. يقولولهم لأ
فالله أعلم هما متأولين ولا بيعملوا كده عشان المصلحة السياسية ومجلس الشعب اللي هما بيبقوا عاوزين فيه أصوات النصارى وكمان أوقات بيحصل تحالفت مع ناس نصارى في بعض الدواير
لكن ده يسجل كخطأ إذا كان مفيش في المسألة خلاف -مسألة التهنئة- وعرفنا إنهم معاندين مش متأولين
عموماً كخطأ في الإخوان .. العلم الشرعي الاهتمام بيه ضعيف مع إنك ممكن تلاقي فيهم شيوخ كبار زي اللي قلت عليهم وخطباء و و و
لكن الفكرة إن اللي منهم مهتم ممكن يشجعوه لكن اللي مش مهتم مبيحصلش منهم علم أد كده وبتبقى العملية معاه ضياع خالص
مرة واحد منهم سألني: هما النصارى كفار؟؟!!!!!!
خلاصة موضوع الولاء والبراء إنهم معادين لليهود معاداة دينية زي ما أنا أعرف عنهم .. لو في كلام غير كده في الكتب فأكيد ده خطأ ويحسب عليهم
إنما النصارى فهما للأسف مبيتكلموش عنهم خالص .. والدليل حادثة كاميليا شحاتة الأخيرة .. كلامهم فيها كان شحيح جداً .. وربما ده برده يكون مرتبط بالانتخابات الجاية
السلف كلامهم في الولاء والبراء متميز وواضح .. اليهود والنصارى كفار .. وموالاة الكفار كفر باستثناء حالة واحدة وهي موالاتهم لغرض دنيوي مع سلامة العقيدة .. وده حصل في حادثتين .. دفاع سلمة بن الأكوع عن عبد الله بن أبي بن سلول في حادثة الإفك .. وإرسال حاطب بن أبي بلتعة رسالة للكفار في غزوة فتح مكة لإعلامهم بقدوم النبي صلى الله عليه وسلم
والاتنين صحابة أجلاء لكن أخطأوا في المسألة دي
إنما الموالاة الحالية فدي صورة كفرية من بيع الغاز لإسرائيل وبناء الجدار العازل ضد الفلسطينيين والكلام كمان عن السماح لإسرائيل بضرب قطاع غزة وموالاة الأمريكان و و و
مع اننا اتفقنا اننا هنحكم عليهم من المنهج
طالما حضرتك اتكلمت على الافراد
فانا كل اللى اعرفهم من الاخوان بيوالوا النصارى وبيحضروا مناسبتهم وبيعيدوا عليهم كمان من غير انتخابات ولا حاجة
واللى معترفين بيه ان مافيش مشكله انهم يوالوا النصارى يعنى مش معترفين بالولاء والبراء
وممكن حضرتك تعمل تجربة على ارض الواقع واسأل اى حد منهم عن رأيه فى الولاء والبراء
______________
على فكرة فى شيوخ كانوا اخوان وبقوا سلف زى الشيخ وجدى غنيم
يعنى لو شيوخ اخوان وربنا هداهم وصححوا اخطاء الاخوان زى اعتقادهم فى الولاء والبراء وحرمة المعازف وغيرها من البدع ماهما كده بقوا بيتبعوا المنهج السلفى حتى لو مش ذكروا ده
____________________
على العموم احنا اتفقنا ان عندهم خطأ فى الولاء والبراء ودى عقيدة لايستهان بها خطأ عقائدى
__________________
نتكلم عن الموسيقى والمعازف بأى
معلش كلامي في موضوع الموالاة له بقية عشان يتفهم
أنا كان أصدي من الكلام اللي قلته إنهم كلامهم في النصارى قليل وفي أفعال بيعملوها لكن بيقولوا إنها جائزة زي تهنئتهم في الأعياد كده
فلو حضرتك سمعتي من حد إخوان فعلاً بيقول إنه يجوز موالاة النصارى كده بالحرف وهو فاهم معناها من نصرتهم ومحبتهم وإعانتهم حتى لو عالمسلمين .. فده خطأ فاحش
أنا عمري ما شفته الحقيقة .. حتى الأخ اللي كاتب على فرسان السنة مقالش كده
النقطة إنهم مواقفهم متنوعة .. ناس كتير عرفتهم مواقفهم واضحة من اليهود والنصارى .. وتلاقي الكلام ده واضح في كلام الدكتور راغب السرجاني مثلاً
وكمان الشيخ وجدي غنيم .. وكلامه في موضوع كاميليا شحاتة واضح جداااا
هنا
http://www.youtube.com/watch?v=Y-8vfPFvQW8&feature=related
فهما في رأيي كلامهم متباين ومختلف من واحد للتاني .. من شيخ لشيخ ومن الشيوخ لعوام الإخوان
فاللي علينا إننا نسألهم بالظيط عن عقيدتهم في الولاء والبراء .. ونرجع لمصاردهم عشان نشوف الكلام ده
أنا كنت رجعت في بصة سريعة كده لشرح الأصول العشرين لكن الحقيقة ملقتش فيها حاجة في الموضوع
لكن الصراحة لقيت مواضييييييييييع كتيييييير فيها كلام كتيييييييير جداًااااااا
لقيت جواز الاحتفال بالمولد وإن الحكم بغير ما أنزل الله كفر أصغر والذكر الجماعي و و و
الموضوع محتاج جهد كبير في البحث
بس خلاصة موضوع الموالاة في رأيي هو سؤالهم والبحث في كتبهم تاني
لإن ده موضوع خطير وكويس إن حضرتك لفتي نظره له
--------
موضوع المعازف بسيط جداً هما ماسكين في رأي شاذ بيحللها وهو رأي الشيخ القرضاوي
مع إن سألت ناس من شيوخهم وقالوا بالحرمة!!
فهو في إنفصام شوية بين الشيوخ والقادة يمكن أو الشباب
فكل الاحتفالات والأنشطة بيبقى فيها معازف
لكن دي نخالفهم فيها مفيش شك .. وياما طلعنا معاهم رحلات وأنكرنا عليهم لحد ما الواحد بطل يطلع معاهم خالص
وفي نقطة برده أنا مفهمتهاش غير من فترة بسيطة
زمان الإخوان كانوا كل سنة يعملوا حفلة في المدرسة ويجيبوا فيها قادة الإخوان في المحافظة ويعزموا كل أولياء الأمور .. وبيبقى فيها تمثيل وأناشيد بمعازف طبعاً
فمرة كنت بسأل أحد الشيوخ وقت الحفلة عن فقرة إنشادية كده .. وهو الشيخ مروان شاهين أستاذ الحديث في جامعة الأزهر عن رأيه في الفقرة
فقالي: كويسة بس أنا ليه بعض النقط واخدها عليها .. هو مرضيش يقةلي إيه احلكاية بالظبط .. بس ممكن أفهم دلوقتي إنها المعازف
الشيخ مروان من الناس اللي صورتهم موجودة في موقع جبهة علماء الأزهر وهو ساكن جنبنا .. وكان له كلمة في كتاب: أقوال علماء الأزهر الشريف في النقاب
وقال بالمشروعية طبعاً
بما إننا جبنا سيرة الجبهة .. فاللي أعرفه إن الشيوخ اللي فيها من الإخوان أغلبهم إن مكنش كلهم .. ومع ذلك لهم مواقف مشرفة في الولاء والبراء .. بس الله أعلم ده فين من واقع الجماعة
يعنى نهاية الكلام
ان قضية الولاء والبراء يتباين فيها افراد الجماعة فمنهم من يسير على النهج الخاطئ ومنهم من هداه الله لاتباع الصواب
اما بالنسبة للموسيقى فهم لايعترفون بحرمتها الا قليل ممن هداه الله
واشتمل منهجهم على بدع مثل الاحتفال بالمولد وغيرها من البدع وقد يتواجد اشخاص منهم لاتقر بذلك والله اعلم
__________________
اذا
تبين ان هناك طائفة من الاخوان منّ الله عليهم بالهداية وحرموا المعازف واعترفوا بالولاء والبراء وانكروا البدع فهم على هدى المنهج السلفى وان لم يذكروا ذلك وهم قليل القليل
اذا
لكى تعطى صوتك لاى منهم لابد ان تتحقق مسبقا من المترشح هل يعترف بالولاء والبراء ويحرم الاغانى والمعازف وينكر البدع واهمها على الاطلاق انه ملم بالعلم الشرعى الكافى لان هذه النقطة مهمله لديهم حاليا الا من رحم ربى وهذا من باب حماية العقيدة
فربما تصوت لشخص لايقر بهذه الامور فتتفشى موالاة النصارى والمعازف والبدع وهذا امر خطير يجب الحذر منه
__________
حوار ممتع استفدت منه كتير
جزاكم الله خيرا
اسعدنى كثيرا ان هناك افراد منهم تقر بالولاء وتحرم المعازف وتنكر بالبدع بناء على تجربة حضرتك وهم قلة قليله مع اننى لم اتقابل مع هذه الطائفة القليلة
ومع ذلك هذه القلة مما ادخلت السرور على قلبى لان هذا يعنى ان المنهج السلفى ترك بصمته فى جماعة الاخوان ومن يدرى لعل القلة تكثر وكله بفضل وعون من الله
__________
اسأل الله ان يغفر لنا واياهم ويعفوا عنا وعنهم
ويهدينا جميعا الى طاعته ويرزقنا حسن الاتباع
جزانا وإياكم .. أنا استفدت أكتر .. والموضوع مستمر إن شاء الله بس لعله يبقى له وقت تاني أفضى من الزنقة اللي إحنا فيها دي .. ربنا يوفقنا وإياكم جميعاً
بس حتةإن الشيخ وجدي غنيم بقى سلفي دي أنا أشك فيها .. هو لسه إخوان وإن كان بيأخذ على الإخوان في أمور .. وبيأخذ على أفراد منهم .. زي ما أنكر كذا مرة عالشيخ القرضاوي وأنكر على عصام العريان .. وأنكر على الجماعة موقفها في موضوع كاميليا شحاتة وأنكر على الجماعة السلفية برده زي ما قال في الفيديو
ده فيديو السيادة للإسلام .. بيرد فيه على موضوع الديمقراطية عند عصام العريان .. وبالمناسبة بدأت أفهم إن الجماعة فيها خطين دلوقتي .. حاجة زي المحافظين والمجددين كده .. وعصان العريان شكله من المجددين
http://www.youtube.com/watch?v=pEjhyojY6eY
الشيخ وجدي ده ما شاء الله عليه .. ربنا يبارك فيه
شوفوا العقيدة
http://www.youtube.com/watch?v=GALufYcN0QM&feature=related
كلامه بفضل الله موافق للدعوة السلفية
تبيان
معلش نسيت اوضح جزء
بالنسبة للمنهج نفسه لا يقر بالولاء والبراء
ويحلل المعازف ويشمل على بدع مثل الاحتفال بالمولد وغيرها من البدع
اما بالنسبة لافراد الجماعة انقسموا الى ثلاثة اقسام
فمنهم من لا يهتم بالمنهج ولادراسة العلم الشرعى فهو اخوان اسما فقط
ومنهم من يسير على المنهج ويطبقه بما يحويه من تلك الاخطاء العقائدية التى لاتصلح لان تكون تكون حجر اساس لمجتمع اسلامى
ومنهم قسم وان كانوا قله هداه الله فانكر البدع والمعازف واقر بالولاء والبراء فاصبح على نهج السلف الصالح وان لم يذكر ذلك وهذا القسم ندعوا الله ان يثبته
بالنسبة للانتخابات وتوليه الحكم
فالقسم الاول والثانى لا يصلح لما ذكرناه انفا من اخطاء
اما القسم الثالث فيصلح
ولكن لابد ان تتحقق جيدا قبل ان تصوت ان هذا المرشح من هذا القسم الذى بدل وعدل واتبع المنهج السلفى الرشيد
ع
بالنسبة للشيخ وجدى مش سلفى
اساسا مافيش حاجة اسمها انا سلفى بمعنى التحزب للاسم والعصبية
فى حاجة اسمها انا اتبع المنهج السلفى
لكن لما جرت عليه العاده ان من يتبع المنهج السلفى يسموه سلفى
زى مااى حد من طنطا بيسموه طنطاوى
اللى عايزه اقوله
ان اى حد هيتبع منهج السلف فهو سلفى انتسابا مش تحزبا وتعصبا
اما كونه اخوان وبيتبع المنهج السلفى
او اى اسم بس بيتبع المنهج السلفى
فمش فارقة المهم انه على المنهج الصح
مع ان الصواب اننا مش نسمى مسميات عشان سد الذرائع عن التحزب والتعصب للاسم
انا بحب اوى كلمة الشيخ محمد حسان
(وان سألوك عن جماعتك فقل جماعة المسلمين)
لكن لو فى فرق وبدع وكده يبأى انا مسلم بتبع المنهج السلفى سلفى انتسابا لمنهج السلف ليس تعصبا وتحزبا للاسم
وفى فتوة للشيخ ابن عثيمين بذلك
طبعا فى ناس هتقول طب ماكان فى مهاجرين وانصار
الرد
هو التقسيم مش حرام لكن الاصوب بلاش تقسيم لان الزمن اختلف والنفوس تغيرت وانتشرت الافات والبدع فسدا للذرائع(العصبية والتحزب..وده اللى على الساحة الان)فالاحسن بلاش نقسم
________________
لو حد اتلغبط ولا كأنه سمع حاجة
ولو حابب يفهم الكلام يبأى بعد الامتحانات باذن الله
Post a Comment